मी सुखी आहे

आसवात भिजलेल्या निरांजनीच्या प्रकाशात मी सुखी आहे
तुम्ही दिलेल्या शापातूनही मी सुखी आहे

कधीतरी देऊ केलेले दान झेलतांना
वाटेत पेटवत आलेल्या पेलेत्यांना
वाटतो आनंद सांगतांना - की मी सुखी आहे

चंद्रमौळीच्या घरट्यातून चंद्राला पाहतांना
आभाळाची आसवे ओंजळीतून पितांना
आसमंताला सांगतो मी गातांना - की  मी सुखी आहे

दूरचे दिवेही आहेत विझलेले
जवळच्या सावल्याही आहेत लपलेले
आवाजाचे प्रतिशब्दही आहेत विरलेले
मी असाच एकांती उभा आहे ........

डोळ्यात अशीच काजळी राहू दे
चिमणीला अशीच उघड्यावर वावरू दे
अभयारण्यातल्या वाऱ्याला सभोवती घोंगावू दे
प्रलयही आता सोबतीला आहे