विडंबन

फुलली फुले - त्या योगे उपवन खुलले
दरवळला - सुगंध सुखवाया तो सकळा
स्वैरपणे - अलिगण उडणे -बागडणे
मधुनादे - गाती प्रभुगण आनन्दे  

रम्य आहा - दोन व्यक्ती आले पहा

विचराया - पुरूषही आला त्या ठाया

मंदगती - स्री तेथे हिन्डत होती

कौतुकली - हसली, बाग मनी ठसली

नव फुलले - पुष्प एक तिज आवडले

प्रेमभरे - खुडले तिने ते स्वकरे

हुंगियले - चुंबियले, माथा धरीले

क्षणमात्रे - होय नकोसे ते तिजले

कुस्करीले - फेकुन धरणीवर दिधले

सर्वक्रूती - पुरुष तो अवलोकीत होता

गहीवरला - क्षणमात्रे तो हळहळला

का तसे? - काय कथू मी रसिकांते.......